Натальля Брэль сёньня другі раз не зьявілася ў суд. Ейная маці Яўгенія Міхайлаўна патлумачыла, што дачку не застала дома яшчэ дзесяць дзён таму.
Крымінальны перасьлед асьпіранткі Інстытуту гісторыі Нацыянальнай Акадэміі навук Натальлі Брэль распачаўся летась у жніўні за тое, што яна перадала праз гарвыканкам да дня народзінаў Аляксандра Лукашэнкі падарункі рэчычанаў. Сярод іх была завязаная пятлёй вяроўка ды іншыя дробныя рэчы з адмысловымі пажаданьнямі.