Лінкі ўнівэрсальнага доступу

logo-print

У НАВАПОЛАЦКУ ЗАТРЫМАНЫ ВЫКАНАЎЦА АБАВЯЗКАЎ ДЫРЭКТАРА ГАРАДЗКОГА РЫНКУ


Вінцэсь Мудроў, Наваполацк

Выканаўца дырэктара дзяржаўнага гандлёвага прадпрыемства «Дзісна» (гэтак афіцыйна мянуецца наваполацкі рынак) Мікалай Алёхін быў затрыманы 12 лютага работнікамі мясцовага аддзелу па барацьбе з эканамічнымі злачынствамі і ўзяты пад варту. Затрыманы абвінавачваецца па артыкуле 108-м Крымінальнага кодэксу — атрыманьне хабару. Пры гэтым работнікамі аддзелу выяўлена тры выпадкі атрыманьня хабару ў памерах ад 50-ці да 100 даляраў.

Чуткі пра тое, што выканаўца абавязкаў дырэктара рынку ня грэбуе бруднымі грашыма, хадзілі даўно, але толькі цяпер праваахоўчым органам удалося схапіць хабарніка за руку. Сёньня ў офісе дырэкцыі рынку адбыўся ператрус, а заўтра затрыманаму будзе прад’яўленае афіцыйнае абвінавачаньне.

Наваполацкія прадпрымальнікі, аднак, мяркуюць, што Мікалай Алёхін выйдзе сухім з вады. Па сьведчаньні старшыні тутэйшага прафсаюзу дробных прадпрымальнікаў Валера Шаўчэнкі, родным братам жонкі Мікалая Алёхіна зьяўляецца ні хто іншы, як міністар замежных справаў спадар Хвастоў, і гэта надае справе пэўную інтрыгу.
XS
SM
MD
LG