Новаму старшыні – 54 гады. Ён – з шэрагаў былой партыйна-гаспадарчай намэнклятуры. Апошнім часам быў памочнікам Лукашэнкі – галоўным інспэктарам Гомельскай вобласьці.
Прызначэнне гарадзкога “вэртыкальнага” – прэрагатыва старшыні аблвыканкаму. Але фактычна прызначыў Барабанава сам Лукашэнка. Яшчэ 27 красавіка, калі папярэдніка – Аляксандра Якабсона – сэсія аблсавету зацьвердзіла на пасадзе галоўнага “вэртыкальнага” вобласьці, Лукашэнка сказаў спадару Барабанаву заўтра ж выходзіць у гарвыканкам на працу.