Лінкі ўнівэрсальнага доступу

logo-print

НАМЕСЬНІК СТАРШЫНІ БНФ ЮРЫ ХАДЫКА СПЫНІЎ ГАЛАДОЎКУ, БО ЎЛАДЫ НЕ ПАСАДЗІЛІ ЯГО ЗА КРАТЫ ПАВОДЛЕ ВЫНЕСЕНАГА ПРЫСУДУ


Алег Грузьдзіловіч, Менск

Спадар Хадыка прыехаў не хаваючыся, без суправаджэньня міліцыянтаў, але з копіяй прысуду на руках. У судзе яму абвесьцілі, што ён можа адбыць пакараньне па месцы жыхарства пасьля таго, як у мясцовую міліцыю дашлюць адпаведныя паперы. Такім чынам, Хадыка не выключае, што неўзабаве менскія міліцыянты выканаюць тое, што не зрабілі іхныя гарадзенскія калегі.

(Хадыка: ) "У мяне атрымаўся такі ўмоўны арышт. Праўда, калі пачытаць прысуд, то там ёсьць двухсэнсоўнасьць. Там напісана пра 10 дзён арышту з моманту затрыманьня, а якога затрыманьня — не сказана. Калі гэта затрыманьне 24 сакавіка, то 10 дзён даўно скончыліся. Але магчыма, што будзе іншае затрыманьне, пасьля якога і пачнецца адлік 10 дзён".

Паколькі не адбыўся арышт, адмененая і галадоўка, пра якую Хадыка абвесьціў у судовай залі пасьля абвяшчэньня прысуду. Пры гэтым намесьнік старшыні БНФ заяўляе пра сваю салідарнасьць з затрыманымі разам зь ім у Горадні:

(Хадыка:) "У тыя ж самыя дні былі асуджаныя 20 чалавек за ўдзел у мітынгу 24-га, 12 журналістаў за пікет у падтрымку "Пагоні", з гэтых дванаццаці шэсьць чалавек сядзяць у прымальніку-размеркавальніку. Прычым два зь іх асуджаныя на 10 дзён, і адзін галадае".
XS
SM
MD
LG