(Процька: ) "Ён фактычна прызнаў існаваньне эскадрону сьмерці. Гэтая група сапраўды была створаная дзеля таго, каб крымінальных аўтарытэтаў пазбаўляць жыцьця шляхам укараненьня ў гэтыя банды і нацкоўваць іх адно на аднаго. Ну а калі бойка йдзе — усіх іх і замачыць".
(Кароль: ) "Ці выкарыстоўваліся гэтыя мэтады раней? Выкарыстоўваліся. Укараненьне сваіх агентаў у асяродзьдзе крымінальнае ды ў палітычныя партыі — гэта мэтад, знаёмы ўсім дзяржаўным структурам гэтага кшталту. Але тое, што прарываецца зараз, гэтыя асобныя словы — гэта сапраўды жахліва. Нават ня трэба праводзіць паралелі. Яны праводзяцца самім кіраўніком".