Разам з народам сваім застануся,
гору дамо мы рады.
Дайце дарогу маёй Беларусі
да Праўды.
Ні перад кім мой народ не сагнуўся,
зьведаў цяжар нядолі.
Дайце дарогу маёй Беларусі
да Волі!
Разам з народам не адступлюся,
тут крывічоў пакаленьне.
Дайце дарогу маёй Беларусі
да Адраджэньня!
Богу за ўсё на зямлі пакланюся
і папрашу міласэрнасьці.
Дайце народу маёй Беларусі
да Незалежнасьці!