Лінкі ўнівэрсальнага доступу

Article 2001-02-16



Нельга жыць бяз волі чалавеку.
Воля – варта нашай барацьбы.
Але на зямлі жывуць спрадвеку –
Каб жа толькі Божыя – рабы.

Берагуць – майно, а час – марнуюць.
Прадаюць за грош душу і дар.
Рабства сёмы год сваё сьвяткуюць,
Хоць спусьцеў дарэшты каляндар.

Гонару й сьвятыняў не бароняць.
Дзецям не ладкуюць родны кут.
Прамянялі вольную Пагоню
На абвіты стужкамі хамут.

І дэкрэты ў іх – вышэй закону,
І ў культуры – кожны культурыст,
Нат у храме Божым ім з амбону
Мовіць праваслаўны атэіст.

Дзень зьмяняе ноч, а сонца – цемру.
Змрочны час, дасьць Бог, перажывем,
Грамадой, нарэшце, зможам хеўру –
І Айчыну вольнай назавем.
XS
SM
MD
LG