Лінкі ўнівэрсальнага доступу

logo-print

Песьня “Танга белых багоў”. Музыка, словы і выкананьне — Алег Атаманаў. Альбом “Слова ня госьць”, аўтарскае выданьне, 2002



Пры ўсім маім вялікім жаданьні падбіраць мэлёдыі адпаведна пэўным сьвятам, датам, пары году атрымліваецца тое далёка не заўсёды. Вось і сёньня, у сярэдзіне лета, мы паслухаем песьню, якая была б дарэчы, скажам, месяцы з тры–чатыры таму.

Дыск Алега Атаманава трапіў да мяне адносна нядаўна. Небанальныя тэксты песень, выразныя мэлёдыі, прыгожы, пастаўлены голас. Зрэшты, больш за палову песень з гэтага альбому, што называецца “Слова ня госьць”, можна сьмела ставіць у эфір. У тым ліку і песьню з такой прыгожай назваю “Танга белых багоў”, якая па характары, безумоўна, песьня веснавая.

Ну што ж, ня будзьма фармалістамі, бо галоўнае для нас усё ж па магчымасьці менавіта мэлёдыя, якая запамінаецца (у ідэале) і пэўным чынам дапамагае, як той сьпяваў, будаваць і жыць. Наогул, песьні Алега Атаманава, музыку і словы для якіх піша ён сам, нейкія па-сапраўднаму прасьветленыя, прыгожыя, можа, крышку экзальтаваныя.

Нагадаю, што Алег, выпускнік філфаку БДУ, дзякуючы багатаму ад прыроды голасу, выступаў нават на акадэмічнай сцэне і ў жанры песьні аўтарскай выкарыстоўвае гэтае багацьце адметна, па поўнай, як прынята казаць, праграме. “Танга белых багоў”. Зь песьні, зрэшты, зразумела, якіх багоў меў на ўвазе Алег Атаманаў.

Зьміцер Падбярэскі
XS
SM
MD
LG