Лінкі ўнівэрсальнага доступу

logo-print

Песьня “Людзі на балоце”. Музыка і словы Лявона Вольскага. Альбом “Песьні розных гадоў”, “Ковчег”, 1999 г



“Кожны кулік уласнае балота хваліць”. Каму не знаёмае гэтае выслоўе? Ды ў некаторых выпадках нават добра знаёмыя словы маюць здольнасьць набываць цалкам іншае, адметнае значэньне.

“Людзі на балоце” — гэтая песьня з рэпэртуару Касі Камоцкай нетыповая для сьпявачкі. Апрача таго, што песьня па-новаму раскрывае сэнс назвы знакамітага рамана Івана Мележа, яна яшчэ гучыць з выразнымі элемэнтамі музыкі ў стылі рэп.

Для Камоцкай гэта была пэўная рызыка, бо слухачы звыкліся з уласьцівай ёй у канцы 1990-х апавядальнай, нават крыху бардаўскай манерай выкананьня. Аднак рызыка цалкам апраўдалася, і гэты твор, асабліва падчас жывых выступленьняў, прымаўся слухачамі з энтузіязмам.

Сваю ролю сыграў тут і сацыяльна-востры тэкст Лявона Вольскага, а таму няма чаго зьдзіўляцца, што песьня гэтая, як, зрэшты, і некаторыя іншыя, атрымала нэрвовую рэакцыю з боку дзяржаўных сродкаў прымусовай радыётэрапіі насельніцтва. Прасьцей кажучы, для афіцыйнага радыё сьпявачка перастала існаваць.

Для “Мэлёдыі дня” Кася Камоцкая і адкрытае ёю “Новае неба” існуе і будзе існаваць назло ўсім магчымым балотам. Мы зь ёй яшчэ пачуемся!

Зьміцер Падбярэскі
XS
SM
MD
LG