Лінкі ўнівэрсальнага доступу

logo-print

“Ты мне вясною прысьнілася”, музыка Ю.Семянякі, словы М.Шушкевіча. Ансамбль “Песьняры”. Альбом “Песьняры”, “Мелодия”, 1970



Чым далей адыходзяць ад нас тыя гады, калі пачыналася гісторыя беларускай папулярнай музыкі, тым большую цікавасьць уяўляе ўсё тое, што адбывалася ў другой палове 60-х–пачатку 70-х гадоў мінулага стагодзьдзя. Раптам выяўляецца, што многія запісы, зробленыя ў тыя гады, не зьберагліся, нават фота тых часоў цяпер — рэдкасьць. Дый шмат каго з музыкантаў, якія актыўна гралі ў тыя гады і былі насамрэч папулярнымі, сёньня на радзіме ўжо няма. Вось чаму, на маю думку, надзвычай важна хоць бы час ад часу нагадваць шырокай аўдыторыі, што ж адбывалася тады, як кажуць, на сьвітанку ўсяго.

Песьня “Ты мне вясною прысьнілася” — адна з найбольш сэнсацыйных у беларускай музыцы. Наўрад ці думаў Юры Семяняка, калі пісаў тую песьню, што вядомай яна зробіцца ў вэрсіі, па сутнасьці, рок-групы. Паэт Міхась Шушкевіч, зь якім я пазнаёміўся, калі працаваў на Беларускім тэлебачаньні, застаўся ў гісторыі беларускай літаратуры, дзякуючы гэтаму аднаму вершу.

Канешне, сёньня аранжыроўка песьні, гучаньне калектыву могуць у сяго-таго выклікаць скептычныя ўсьмешкі. Аднак жа ня будзем забывацца, што гэта — гісторыя. Самы пачатак 1970-х. Клясыка беларускай папулярнай музыкі. Ансамбль “Песьняры” і песьня, безь якой цяпер уявіць гісторыю папулярнага жанру краіны немагчыма.

Зьміцер Падбярэскі
XS
SM
MD
LG