Лінкі ўнівэрсальнага доступу

“Стэфка”. Музыка і словы І.Варашкевіча, І.Маркава і С.Кныша. Група “Крама”. Альбом “Залаты фонд беларускага рок-н-рола, ч.2”, “Ковчег”, 1996



Ну што ж, вясна, што б там ні было, паціху ўступае ў правы. Неўзабаве на дрэвах распусьціцца лісьце, і пасьля гэтага настане той час, калі спатканьні будуць прызначаць не ў падземных пераходах, а на веснавым улоньні. Чаго “Мэлёдыя дня” жадае ўсім, незалежна ад узросту, як мага хутчэй. Вітаю вас!

Паэт-лірык. Да гэтага вызначэньня нас прывучылі яшчэ са школы. Лірыкам можа быць і мастак, калі ён замілавана выпісвае краявіды роднай прыроды. Лірыкам можа быць актор, калі ён усё жыцьцё выконвае ролі герояў-палюбоўнікаў. Лірыкам, зрэшты, можа быць і хірург, калі ён ведае на памяць вершы Багдановіча і карыстаецца імі як нечым накшталт наркозу. А ці можа быць лірыкам музыкант, які выконвае рок?

Пытаньне, я разумею, складанае. Тым ня менш, лірычных яскравых мэлёдый у гісторыі як сусьветнага, так і беларускага року хапае. Прычым, як правіла, найбольш удалыя зь іх доўгі час не губляюць папулярнасьці. Сёньня мы зазірнем у недалёкую гісторыю айчыннай рок-музыкі і паслухаем адну з такіх песень. Гэта славутая “Стэфка” з рэпертуару групы “Крама” з выразнай, блюзавага адценьня мэлёдыяй, запамінальным тэкстам. Музыка і словы Ігара Варашкевіча, Івана Маркава і Сяргея Кныша. Што й казаць, шлягер на гады! Што найбольш істотнае, дык гэта тое, што менавіта гэтая песьня будзе дарэчы, калі на дрэвах распусьціцца веснавое лісьце. Засталося чакаць усяго нічога.

Зьміцер Падбярэскі
XS
SM
MD
LG