Лінкі ўнівэрсальнага доступу

logo-print

Песьня “Ой, княжна” Валерыя Шарапава. Ансамбль “Песьняры”. Альбом “Песьняры 2001”, “Ковчег”, 2001.



Піетэт, як кажуць, піетэтам, але ж сапраўдны аўтарытэт кожнага выканаўцы трымаецца ня толькі на былых заслугах, але й на тым, што гэты выканаўца робіць у сучасны момант. Тое самае, дарэчы, тычыцца і праграмы “Мэлёдыя дня”. Вітаю вас!

Ансамбль “Песьняры” яшчэ, як той казаў, пры жыцьці зрабіўся сапраўднай легендай. І шлейф той легенды небеспадстаўна будзе цягнуцца яшчэ праз шмат гадоў. Хоць, праўду кажучы, менавіта ў апошнія гады пра гэты калектыў амаль не чутно. Можна нават падумаць: а ці існуе яна насамрэч, тая легенда?

Надзвычай рэдкія канцэрты і амаль поўная адсутнасьць новых запісаў. Калі не лічыць альбому “Песьняры 2001”, які, на вялікі жаль, можа хутчэй расчараваць, чым узрадаваць. Практычна ва ўсіх песьнях, большасьць зь якіх — гэта перазапісаныя старыя шлягеры, адчуваецца нейкая лянота і нават неахайнасьць выкананьня. З новых жа песень зьвяртаюць на сябе ўвагу два творы Валерыя Шарапава, адзін з якіх, “Ой, княжна”, мы і будзем сёньня слухаць.

Такім чынам, ансамбль “Песьняры” ўзору мінулага году. Зь вялікім спадзяваньнем на тое, што апошнюю сваю песьню ансамбль выканае яшчэ ня хутка. Легенда памірае апошняй. Пачуемся!

Зьміцер Падбярэскі
XS
SM
MD
LG