“Аформіце па-беларуску свае ўлёткі, лёзунгі і плякаты, і вы адразу адчуеце падтрымку тых, каму баліць душа за стан нашай мовы і культуры, хто хоча жыць у заможнай эўрапейскай дэмакратычнай краіне”, — пераконваюць кандыдатаў тэбээмаўцы. А выбарцаў яны заклікаюць аддаваць галасы толькі за тых, хто шануе родную мову і спрыяе яе пашырэньню.
Першыя вынікі намаганьняў ТБМ у справе беларусізацыі выбарчага працэсу ўжо ёсьць: Цэнтарвыбаркам выдрукаваў па-беларуску ўсю дакумэнтацыю, за выняткам блянкаў дэклярацыяў пра даходы.