Гэта не зьявілася нейкай нечаканасьцю ні для ініцыятыўных групаў па збору подпісаў, ні для тых, хто рыхтуецца назіраць за хадой перадвыбарчае кампаніі й галасаваньнем.
Старшыня абласной арганізацыі Беларускай сацыял-дэмакратычнай партыі (Народная грамада) Аляксей Гаўруцікаў, які адстойваў сваіх вылучэнцаў у раённыя камісіі Анатоля Гнеўку, Уладзімера Стагначова й Міхася Шпакоўскага, лічыць, што на паседжаньні гарвыканкаму і прэзыдыюма гарсавету былі выкарыстаныя фармальныя зачэпкі, каб ня ўвесьці ў склад камісіяў людзей, здольных сказаць рашучае НЕ ўсялякім парушэньням. Ужо сеньня ён падрыхтаваў і накіраваў заявы-скаргі ў Цэнтарвыбаркам і абласную пракуратуру, у якіх юрыдычна абгрунтавана паказвае незаконнасьць адмовы ўключыць у склад камісіяў прдстаўнікоў партыі.
Але сп. Гаўруцікаву хаця б дазволілі прысутнічаць на паседжаньні. А вось каардынатара нагляданьня па Віцебскай вобласьці Іосіфа Навумчыка, хоць ён нават накіраваў адпаведную заяву у аблвыканкам і прэзыдыюм аблсавету, не дапусьцілі на разгляд пытаньня фармаваньня абласной камісіі. Сёньня з раніцы яму патэлефанаваў супрацоўнік аблвыканкаму сп. Кастальцоў і ад імя кіраўніцтва заявіў, што нікто з пабочных асобаў прысутнічаць не будзе, бо назіраць за працай не мае права. На што сп. Навумчык вымушаны быў папрасіць перадаць кіраўніцтву аблвыканкама і абласнога Савета дэпутатаў, што яны зрабілі першый крок да таго, каб выбарчы працэс, які яны арганізуюць, ня стаў прзрыстым і дэмакратычным.
У выніку ў камісіі ўвайшлі патрэбныя ўладам людзі з працоўных калектываў, камуністычнай партыі Чыкіна, БПСМ і сацыяльна блізкіх да іх арганізацыяў. Старшынёй абласной камісіі абраны былы намесьнік старшыні аблвыканкама, а зараз пенсіянэр сп. Цацоха.