Лінкі ўнівэрсальнага доступу

КАНФЛІКТ ВАКОЛ НАФТАПРАДУКТАПРАВОДАЎ КАМПАНІІ “ЗАПАД-ТРАНСНЕФТЕПРОДУКТ” ПЕРАЙШОЎ НА МІЖДЗЯРЖАЎНЫ ЎЗРОВЕНЬ


Юры Дракахруст, Прага

Нагадаем, што 17 ліпеня Вышэйшы гаспадарчы суд Беларусі скасаваў рэгістрацыю гэтай кампаніі, што валодала гэтымі трубапровадамі. Расейскі бок назваў гэта крокам да нацыяналізацыі расейскай маёмасьці ў Беларусі, МЗС Расеі абвінаваціў беларускі бок у парушэньні Бішкецкіх пагадненьняў 1992 году, паводле якіх краіны СНД прызналі права ўласнасьці Расеі на нафтапрадуктаправоды, што праходзяць па іх тэрыторыі.

Учора Міністэрства эканомікі Беларусі выступіла з заяваю, у якой адзначалася, што рэгістрацыя “Запад-Транснефтепродукта” не адпавядала Бішкецкім пагадненьням і заканадаўству Беларусі. У заяве Мінэканомікі было падкрэсьлена, што паводле тэксту Бішкецкіх пагадненьняў беларускі і расейскі бакі мусілі падпісаць пратакол аб праўным статусе нафтапрадуктаправодаў. Але такі пратакол адносна Мазырскай управы магістральных трубаправодаў, якая і ёсьць прадметам спрэчкі, ня быў падпісаны – адзначала Мінэканомікі. Сёньня гэтыя аргумэнты міністэрства эканомікі паўтарыў прэсавы сакратар МЗС Беларусі Павал Латушка.

Такім чынам, канфлікт са спрэчкі паміж суб’ектамі гаспадараньня і ведамстваў дзьвюх краінаў перайшоў на міжджзяржаўны ўзровень.
XS
SM
MD
LG