Між тым, летась таваразварот з Расеяй склаў больш за палову ўсяго таваразвароту Беларусі. Сёлета беларускім таваравытворцам давядзецца сутыкнуцца са значна больш жорсткай канкурэнцыяй на расейскім рынку.
Сытуацыю ўскладняе тое, што летась імпарт зь Нямеччыны, якая ёсьць самым буйным заходнім гандлёвым партнэрам Беларусі, скараціўся на 12%. А менавіта Нямеччына пастаўляла ў Беларусь шмат тэхнікі й абсталяваньня для вытворчасьці канчатковай прадукцыі. І гэты фактар таксама адмоўна паўплывае на канкурэтаздольнасьць беларускіх тавараў на зьнешніх рынках.
