НЭДЖЭФ. У ходзе сёньняшніх баёў у ірацкім горадзе Нэджэф ня менш за 7 чалавек загінулі, а 45 былі параненыя. Таксама артылерыйскім снарадам была пашкоджаная брама адной з найбольшых шыіцкіх сьвятыняў – мячэці імама Алі. Байцы шыіцкага лідэра Мактады Ас-Садра вінавацяць у пашкоджаньні сьвятыні войскі ЗША. Амэрыканскае камандаваньне адмаўляе сваё дачыненьне да мінамётнага абстрэлу мячэці.