ВАШЫНГТОН. Прэзыдэнт ЗША Джордж Буш заявіў сёньня, што амэрыканскія сілы застануцца ў Іраку й пасьля перадачы сувэрэнітэту 30 чэрвеня ірацкаму пераходнаму ўраду. Буш таксама выказаў упэўненасьць, што выпадкі зьдзекаў з ірацкіх зьняволеных былі адзінкавымі і ніколі больш не паўторацца. У пятніцу Дзяржсакратар ЗША Колін Паўэл заявіў, што войскі з Іраку могуць быць выведзеныя толькі, калі пра гэта афіцыйна папросіць новы часовы ўрад.