ЛЁНДАН. Рэдактар брытанскай газэты “Дэйлі мірар” Пірс Морган пайшоў у адстаўку пасьля таго, як былі прызнаныя фальшывымі апублікаваныя газэтаю фатаздымкі, на якіх зафіксаваны зьдзекі брытанскіх салдатаў з ірацкіх вязьняў. У заяве рады дырэктараў газэты гаворыцца, што рэдакцыя стала ахвяраю “разважлівай і зламыснай фальсыфікацыі”. “Дэйлі мірар” перапрасіла чытачоў і брытанскіх вайскоўцаў у Іраку за нанесеную іх рэпутацыі шкоду.