ВАШЫНГТОН. Міністры замежных спраў краін “Вялікай васьмёркі” сёньня маюць сустрэцца ў Вашынгтоне, каб абмеркаваць сытуацыю на Блізкім Усходзе і ў Іраку. У прыватнасьці мае абмяркоўвацца заплянаваная на 30 чэрвеня перадача ўлады ірацкаму ўраду. Цяперашняя сустрэча адбываецца напярэдадні саміту лідэраў Брытаніі, ЗША, Італіі, Канады, Нямеччыны, Расеі, Францыі і Японіі на пачатку чэрвеня.