Эўразьвяз паведаміў Лібіі пра сваю глыбокую занепакоенасьць судовым рашэньнем у гэтай краіне наконт сьмяротнага пакараньня шасьці грамадзянам Баўгарыі і аднаму палестынцу.
Прэсавы сакратар Эўразьвязу назваў гэтае рашэньне вельмі непрыемным сюрпрызам, ён зазначыў, што пад час судовага працэсу было шмат парушэньняў.
Грамадзяне Баўгарыі і Палестыны былі засуджаныя за тое, што як лекары яны нібыта сьвядома спрычыніліся да заражэньня сотняў лібійскіх дзяцей вірусам імунадэфіцыта, які выклікае хваробу СНІД.
Баўгарыя адразу ж асудзіла гэтае рашэньне суда ў Лібіі і заклікала гэтак жа зрабіць НАТО, Эўразьвяз і ЗША.