АТЭНЫ. Тры моцныя выбухі адбыліся сёньня раніцай побач з паліцэйскім пастарункам у цэнтры Атэнаў Пакуль невядома, ці ёсьць пацярпелыя ў выніку выбухаў . Як паведамляюць прадстаўнікі грэцкай паліцыі, перад тым, як адбыліся выбухі, у адну з грэцкіх газэтаў патэлефанаваў невядомы і папярэдзіў пра рыхтуемую акцыю.Інцыдэнт адбыўся за 100 дзён да пачатку Алімпійскіх гульняў, якія адбудуцца ў Грэцыі з 13 па 29 жніўня. Грэцкія ўлады прымаюць павялічаныя меры бясьпекі, каб пазьбегнуць магчымых нападаў.