ЛЮКСЭМБУР Сёньня тут адбылося пасяджэньне Сталай рады Эўразьвяз-Расея. Бакі прыйшлі да згоды, што дамова аб супрацоўніцтве Расеі з аб’яднанай Эўропай будзе распаўсюджаная на 10 новых краінаў-сябраў, якія далучацца да Зьвязу з 1 травеня. Раней Масква адмаўлялася аўтаматычна распаўсюдзіць дамову на новых сябраў Зьвязу. У прынятай у Люксэмбуру супольнай дэклярацыі Эўразьвязў пагадзіўся зрабіць пэўныя захады, каб мінімізаваць негатыўныя для Расеі наступствы пашырэньня Эўразьвязу.