Кувэйт. З сёняшняга дня забаронены доступ у паўночную частку краіны ў сувязі з падрыхтоўкай магчымай вайсковай апэрацыі супраць Іраку. У гэтым раёне на мяжы з Іракам знаходзяцца больш 70 тысячаў амэрыканскіх вайскоўцаў. Усяго ў зоне Пэрсыдскай затокі сабрана каля 150-ці тысячаў вайскоўцаў ЗША і саюзьнікаў, падразьдзяленьні авіяцыі і флоту. Чакаецца, што ў бліжэйшы час у Кувэйт будзе накіраваны вайсковы кантынгэнт пяці арабскіх краінаў – Саўдаўскай Аравіі, Бахрэйну, Катару, Аману і Аб'яднаных Арабскіх Эміратаў.