БРУСЭЛЬ. Бэльгія заблякавала ў НАТА прыняцьцё пастановы пра дапамогу Турэччыне ў выпадку вайны супраць Іраку. Міністар замежных справаў Люі Мішэль заявіў, што адпаведную заяву зробіць пасол Бэльгіі пры штаб-кватэры НАТА. Паводле Люі Мішэля, падобнай пазыцыі трымаюцца Францыя й, магчыма, Нямеччына. Гэнэральны сакратар НАТА Джордж Робэртсан атрымае пісьмовае паведамленьне пра тое, што Бэльгія накладае вэта на папярэднюю пастанову супольнасьці ў гэтым пытаньні.