У нядзелю ў Кыргыстане адбыўся рэфэрэндум у справе новай канстытуцыі. Кыргыская апазыцыя лічыць, што прапанаваныя папраўкі да канстытуцыі прывядуць да наступнага павелічэньня паўнамоцтваў прэзыдэнта Аскара Акаева. За гадзіну да канца рэфэрэндуму ў Бішкеку быў арыштаваны лідар апазыцыйнай Сацыялістычнай партыі Атамэкен – Амурбэк Тэкебаеў, які ьбыў назіральнікам у часе галасаваньня. Як паведаміў нашаму радыё Тэкебаеў, яго абвінавачваюць у карыстаньні аўтамабілем, які раней фігураваў у крымінальнай справе, як аўтамабіль злачынцаў.