БАГРАМ. АФГАНІСТАН. Каля 500 жаўнераў новага Афганскага нацыянальнага войска прыбылi сёньня ў правiнцыю Бам’ян, каб далучыцца да амэрыканскiх вайсковых падразьдзяленьняў, якiя палююць на iсьлямiсцкiх экстрэмiстаў. У Бам’яне войскi ЗША заснавалi сваю базу. Тут пад кiраўнiцтвам амэрыканскiх i французкiх экспэртаў праходзяць навучаньне каля дзьвюх тысячаў васьмiсот жаўнераў новага нацыянальнага войска Афганiстану.