НЬЮ-ЁРК
Рада Бясьпекі ААН сёньня заслухае справаздачу інспэктараў ААН у справе разбраеньня Іраку. Кіраўнік камісыі ААН Ханс Блік паведаміў, што Ірак не прадставіў усіх дадзеных пра свае ўзбраеньні, і не дазваляе праводзіць інтэрвію з навукоўцамі. Дзяржсакратар ЗША Колін Паўэл заявіў у Давосе, што Ірак па-ранейшаму выкарыстоўвае тактыку ўловак і не жадае разбройвацца. Паўэл таксама сказаў, што Злучаныя Штаты будуць дзейнічаць у Іраку, нават калі іншыя краіны не далучацца да іх.