МЕНСК. Сёньня з нагоды вiзыту расейскага прэзыдэнта Уладзiмера Пуцiна ў Беларусь актывiсты апазыцыйных партыяў на Кастрычнiцкай плошчы Менску наладзiлi пiкет супраць саюзу Беларусi з Расеяй. Яны трымалi ў рукох антырасейскiя лёзунгi, растапталi дзяржаўны сьцяг Расеi i парвалi грошы суседняй дзяржавы. Пiкет працягваўся 15 хвiлiнаў. Затрыманых няма. Яшчэ адна акцыя з нагоды вiзыту расейскага лiдэра адбылася ў Менску мiнулай начы – на шэрагу будынкаў у цэнтры сталiцы былi разьвешаныя вялiзныя бел-чырвона-белыя сьцягi, якiя правiселi прыкладна да 9-й – 10-й гадзiны ранiцы.