ВЕНА. Дзяржаўная тэлевiзiя Туркмэнiстану выкарыстоўвае захады сталiнскiх часоў – лiчыць Арганiзацыя бясьпекi i супрацоўнiцтва ў Эўропе. АБСЭ рэзка скрытыкавала, як яна выказалася, “тэлевiзiйнае судзiлiшча” над падазраванымi ў далучанасьцi да нядаўняга замаху на прэзыдэнта Сапармурата Нiязава. На думку аднаго зь кiраўнiкоў АБСЭ Фраймута Дувэ, перадачы нiчым ня розьняцца ад публiчных судовых працэсаў 30-х гадоў у Савецкiм Саюзе.