БАГДАД. Інспэктары ААН сёньня паўторна абсьледавалi адзiн з палацаў Садама Хусэйна ў Багдадзе ў пошуках зброi масавага зьнiшчэньня. Памочнiк прэзыдэнта ЗША ў пытаньнях нацыянальнай бясьпекі Кандалiз Райс абмеркавала ўчора хаду iнспэкцыяў зь кiраўнiком камiсii ААН у раззбраеньнi Іраку Гансам Блiксам. Райс заклiкала Блiкса выкарыстаць сваю ўплывовасьць i дамагчыся дазволу на выезд за мяжу дзеля апытаньня iрацкiх спэцыялiстаў, якiя бралi ўдзел у распрацоўцы ваенных праграмаў.