АШГАБАД. Прэзыдэнт Туркмэнiстану Сапармурат Нiязаў заклiкаў Расею часова прыпынiць дзеяньне дамовы аб двайным грамадзянстве. Прамаўляючы з нагоды Дня абаронцаў Радзiмы, Нiязаў адзначыў, што бальшыня людзей, падазраваных у замаху на ягонае жыцьцё 25 лiстапада, маюць i расейскае, i туркмэнскае грамадзянствы. Пасьля замаху ў Туркмэнiстане ўжо арыштаваныя 61 чалавек, зь iх лiку 16 асобаў маюць замежнае грамадзянства.