ВАШЫНГТОН. Прадстаўнiкi ЗША, Японii i Паўдзённай Карэi абмяркоўваюць сёньня ў Вашынгтоне новы плян Сэулу ва ўрэгуляваньнi канфлiкту вакол паўночна-карэйскай ядзернай праграмы. Сёньня ж камандуючы амэрыканскiмi войскамi ў Паўдзённай Карэi генэрал Леон ЛаПорт зьвярнуў увагу, што ў дэмiлiтарызаванай зоне памiж дзьвюма карэйскiмi дзяржавамi ўзьнiкла пагроза бясьпецы. Паводле амэрыканскiх вайскоўцаў i паўдзённа-карэйскiх уладаў, у сьнежнi памежнiкi КНДР некалькi разоў выходзiлi на дзяжурствы з аўтаматамi, што забаронена ўмовамi замiрэньня.