КАІР. Працягваецца чатырохдзённая паездка прэм’ер-мiнiстра Турэччыны Абдулы Гуля па краiнах Блiзкага Ўсходу ў спробе папярэдзiць магчымую вайну ЗША супраць Іраку. Сёньня ён мае перамовы з кiраўнiцтвам Эгiпту. Пасьля сустрэчы з сырыйскiмi лiдэрамi ў Дамаску Гуль заявiў, што Турэччына i Сырыя пагадзiлiся павялiчыць свае намаганьнi дзеля разьвязаньня канфлiкту.