ПРАГА: Прэзыдэнт Чэхіі Вацлаў Гавэл заявіў, што падзел Чэхаславаччыны быў карысны і для Чэхіі, і для Славаччыны. Гавэл, які ў наступным месяцы заканчвае свой другі тэрмін на пасадзе кіраўніка дзяржавы адзначыў, што зараз два народы сталі сабе бліжэйшыя, як ніколі дагэтуль. Мірны падзел Чэхаславаччыны адбыўся 1 студзеня 93 году. У недалёкай будучыні абедзьве краіны спадзяюцца стаць сябрамі Эўразьвязу. У чэрвені, у Чэхіі адбудзецца рэфэрэндум у гэтым пытаньні, і Гавэл заклікаў суайчыньнікаў ўзяць актыўны ўдзел у галасаваньні.