КУВЭЙТ. Войска Злучаных Штатаў сёньня распачало самыя буйныя манэўры ў Кувэйце пасьля Вайны ў затоцы ў 1991 годзе. Першы з двох дзён манэўраў тысячы амэрыканскiх жаўнераў распачалi з практыкаваньняў у стралянiне у некалькiх кiлямэтрах ад кувэйцкай мяжы зь Іракам. Мэта вучэньняў – падрыхтоўка падразьдзяленьняў дзеля вядзеньня баёў у пустынi на выпадак вайны супраць Іраку. Паведамляецца, што ўжо ў наступным месяцы ЗША павялiчаць сваю вайсковую прысутнасьць у Затоцы удвая – да 60 тысячаў чалавек.