ВАРШАВА: Прэзыдэнт, прэм’ер і міністр сельскай гаспадаркі Польшчы заклікалі палякаў галасаваць за ўступленьне краіны ў Эўразьвяз. Рэфэрэндум у пытаньні сяброўства ў Эўразьвязе заплянаваны на чэрвень наступнага году. Аднак лідэр партыі Ліга Польскіх сем’яў Роман Гертых заклікаў сваіх прыхільнікаў галасаваць супраць сяброўства ў Эўразьвязе. Паводле апытаньняў, 60-70 адсоткаў палякаў падтрымліваюць ідэю далучэньня краіны да Эўразьвязу.