Дубай Міжнародная тэрарыстычная сетка "Аль-Каеда" ўзяла на сябе адказнасьць за напады на ізраільскія аб’екты ў Кеніі, у выніку якіх загінулі 16 чалавек. Прадстаўнік "Аль-Каеды", які выступіў па тэлеканалу "Аль-Джазыра", паабяцаў новыя атакі на ізраільскія і амэрыканскія аб’екты. Тым часам ізраільскія мэдыі са спасылкамі на разьведныя крыніцы папярэдзілі пра пляны "Аль-Каеды" ажыцьцявіць напады на ізраільскіх турыстаў і габрэяў у Празе.