БАГДАД. Група інспэктараў ААН у справе раззбраеньня правяла сёньня ў Іраку другі дзень у пошуках зброі масавага зьнішчэньня. Адна група інспэктараў сёньня наведала машынабудаўнічы завод на поўнач ад Багдаду, другая наведала фабрыку, якая вырабляе вакцыны для жывёлаў у горадзе Аль-Доры на поўдзень ад сталіцы. Інспэктары ААН ніяк не пракамэнтавалі вынікі сёньняшніх наведваньняў.