БЭРЛІН. Нямеччына дасьць Злучаным Штатам права карыстацца сваёй паветранай прасторай у выпадку ўдару па Іраку. Амэрыканскiя вайскоўцы атрымаюць таксама права транзыту праз тэрыторыю ФРГ. Гэта ж тычыцца i вайскоўцаў зь iншых краiнаў НАТО. Пра гэта сёньня заявiў канцлер ФРГ Гэрхард Шродэр i падкрэсьлiў, што сама Нямеччына не жадае браць непасрэднага ўдзелу ў ваеннай апэрацыi ў Іраку.