ВІЛЬНЯ. У Вільні працягваюцца ўрачыстасьці з нагоды атрыманьня афіцыйнага запрашэньня далучыцца да НАТО. Пасьля завяршэньня візыту прэзыдэнта ЗША Джорджа Буша адбыўся ваенны парад. Ягоных удзельнікаў прывіталі прэзыдэнты трох балтыйскіх краінаў. Вядомы палітоляг Зьбігнеў Бжэзіньскі заявіў, што ўдзел такіх малых дзяржаваў, як Літва, у стварэньні сілаў бясьпекі можа таксама быць істотным. Ён адзначыў, што кожная з такіх краінаў мусіць спэцыялізавацца ў нейкай галіне.