КІЕЎ. Прэзыдэнт Украіны Леанід Кучма будзе ўдзельнічаць у саміце НАТА, які пройдзе ў Празе ў наступным тыдні. Такую пастанову прынялі кіраўнікі Рады Нацыянальнай бясьпекі і абароны Ўкраіны. Кучма возьме ўдзел у сустрэчы краінаў-сябраў праграмы супрацоўніцтва з НАТА "Партнэрства дзеля міру”. Адмысловая сустрэча НАТА – Украіна пройдзе на ўзроўні міністраў замежных справаў.