ПРАГА. Сэнат Чэхіі прыняў рашэньне аб тым, што ўзброеныя сілы ЗША могуць дапамагчы гарантаваць бясьпеку ў Празе ў часе саміту НАТО. Закон павінны яшчэ ўхваліць: прэзыдэнт краіны і міністр абароны. У адпаведнасьці з законам, на тэрыторыю Чэхіі прыбудуць 15 амэрыканскіх самалётаў і 250 вайскоўцаў. Яны будуць падлягаць амэрыканскаму камандаваньню, аднак дазвол на ўжыцьцё сілы павінен даць чэскі бок.