ДЖАКАРТА. Сёньня ў індэнэзыйскай правінцыі Суматра адбыўся землятрус, магутнасьцю 7.7 пункты паводле шкалы Рахтара. Параненыя прынамсі сорак два чалавекі, двое зь іх – у крытычным стане. Колькасьць ахвяраў можа павялічыцца, паколькі да некаторых раёнаў катастрофы немагчыма даехаць праз адсутнасьць дарог. Шмат разбурэньняў. Эпіцэнтар землятрусу знаходзіўся на невялікай выспе Сімэлуе – прыблізна за трыста кілямэтраў ад сталіцы Паўночнай Суматры – места Мэдан. Гэалягічны Цэнтар ЗША ацэньвае глыбіню землятрусу ў 33 кілямэтры.