РАМАЛАГ (ЗАХОДНІ БЕРАГ РАКІ ЯРДАН). Палестынскі парлямэнт сёньня ўхваліў склад новага ўраду, прапанаванага палестынскім лідэрам Ясірам Арафатам. За прагаласавалі 56 дэпутатаў, супраць – 18. Нязгодныя з прапановай заклікалі да большых палітычных зьменаў і да абмежаваньня ўлады Арафата. Новы ўрад мае дзейнічаць да новых прэзыдэнцкіх і парлямэнцкіх выбараў у студзені.