СЫДНЭЙ. Дзясяткі тысячаў аўстралійцаў бралі сёньня ўдзел у агульнанацыянальнай жалобе па больш чым сотні сваіх суайчыньнікаў, якія загінулі падчас тэрарыстычнага акту на інданэзійскім востраве Балі. Прэм’ер-міністар Аўстраліі Джон Гаўэрд заявіў, што аўстралійскі ўрад прыкладзе ўсе намаганьні, каб знайсьці злачынцаў. У арганізацыі выбуху падазраюцца ваяўнічыя ісьлямісты, зьвязаныя з арганізацыяй «Аль-Каіда». У выніку тэракту на Балі каля 200 чалавек загінула і больш за 300 былі параненыя.