МАСКВА. Міліцыя кажа, што сямёра чалавек былі параненыя, адзін зь іх цяжка, выбухам бомбы ў машыне каля рэстарацыі МакДональдс у Маскве. Раней паведамлялася, што адзін чалавек загінуў. Прэсавы сакратар міністэрства надзвычайных сытуацыяў Расеі Ігар Піменаў кажа, што выбуховае прыстасаваньне мела кавалкі мэталу, каб павялічыць яго забойчую сілу. Аднак прадстаўнік маскоўскай міліцыі Валеры Грэбокін заявіў, што гэта ня быў тэрарыстычны акт, але вынік крымінальных разборак.