ВАШЫНГТОН. Дзяржаўны сакратар ЗША Колін Паўэл сказаў, што Злучаныя Штаты не плянуюць ніякіх ваенных дзеяньняў супраць Паўночнай Карэі. Намесьнік дзяржаўнага сакратара ЗША Джон Болтан, які ўжо правёў перамовы ў Кітаі, наведае Расею, каб абмеркаваць сытуацыю. Дыпляматы ЗША наведаюць Паўдзённую Карэю, Японію, Вялікую Брытанію і Францыю дзеля перамоваў у паўночнакарэйскім пытаньні.