ВАШЫНГТОН. Паліцыя Злучаных Штатаў паведамляе пра чарговую, сёмую, ахвяру снайпера, які дзейнічае ў ваколіцах Вашынгтону. Гэтым разам чалавек быў застрэлены на бензакалёнцы. Балістычная экспэртыза паказвае, што ўсе сем забойстваў зьвязаныя паміж сабой. Апрача сямі забітых, яшчэ два чалавекі параненыя. Кожны раз невядомы злачынца абмяжоўваўся толькі адным стрэлам. Сьледства не выключае, што забойца дзейнічае не адзін. Ягоная зброя – буйнакалібэрны паляўнічы карабін, альбо вайсковая вінтоўка. Выглядае што ахвяраў ён выбірае выпадкова.