ВАШЫНГТОН. Палата прадстаўнiкоў кангрэсу ЗША ўхвалiла рэзалюцыю, якая дае прэзыдэнту Джорджу Бушу права ўжыць сілу супраць Іраку, калі ён палічыць такi захад неабходным. У сэнаце галасаваньне ў справе гэтай рэзалюцыі адбудзецца заўтра. Раней Злучаныя Штаты адкiнулi прапанову Бададу, каб амэрыканскiя iнспэктары правялi iнспэкцыю ірацкіх аб’ектаў, у якiх, паводле меркаваньня Вашынгтону, вырабляецца зброя масавага зьнішчэньня.